وعاين عالمهد خالي.... يبني وثمر دلالي

أهز مهدك يعبدالله

يعبدالله سهرت برباك.... ياللي رباك هدّمني

يعبدالله جنت أرجاك.... لدهري ولكبر سنّي

يعبدالله عگب عيناك.... دهري بيك سودنّي

بسهم فگدك يعبدالله

منّي غايب هلالي...يبني وثمر دلالي

أهز مهدك يعبدالله

يعبدالله شكثر باراك... گلبي وبصعب حملك

يعبدالله الگلب غذاك...وإنت سلوته بوگتك

يعبدالله شكثر ناغاك.. يوم بناظري شفتك

اگول تعود يعبدالله...

ودهري خيّب آمالي.....يبني وثمر دلالي

أهز مهدك يعبدالله

يعبدالله بعد صواب... گلبي لا تظن يلتم

يعبدالله الگلب لهّاب ...عليك وعيني تهمل دم

يعبدالله ياريح الهاب.. يا چوچب ساعدي اليبسم

جفى سعدي يعبدالله

و ريتك تنظر لحالي....يبني وثمر دلالي

أهز مهدك يعبدالله

يعبدالله ثدايه عليك... درت والگلب وجّر

سهم البين نحر ما بيك... وسمّه بالگلب أثر

يعبدالله العطش مض بيك ... ونيران العطش تسعر

شيطفيها يعبدالله

وانظر شخصك گبالي.... يبني وثمر دلالي