زينب حشمت عباس و اتنادي يبن حيدر

يخويه امن العطش قامت نار اقلوبنه تسعر

طلعت من المخيم لجن طلعت ابيا حال

عالخد تهل دمعتها و بيها حاطه الأطفال

وحده تصرخ ووحده تنادي و الدمع همال

يعمه ما تشوفيني.... حر العطش ماديني

و للعباس وديني

بلجن لو نظر حالي يعمه الحالتي ينغر

و اتعنت المظلومه للعباس واليها

يمه وقفت و صاحت و العبرات تجريها

يا عباس هالأطفال ما تسمع بواجيها

حر العطش آذاها .... و عند تشتجي اضماها

شنهي نيتك اوياها

لو ظلت ابها الحاله تموت امن العطش و الحر

حر و عطش يا عباس يا هو اليقدر يحمله

منه اشجم طفل قلبه ذاب و قلب جم طفله

طول العمر يا عباس ما شفنه عطش مثله

و لا شفنه مثل هاليوم .... حر و عطش يا جيدوم

اعداك اعله الشريعه اتحوم

و تتنومس ابشرب الماي و احنه أرواحنه تفغر

و بين ما زينب تشجي العطش للجيدوم

و لن سكنه من المخيم طلعت و القلب مهضوم

لجن من ضمه احشاها نوبه تقع نوبه اتقوم

ووقفت تهل دمعتها .... بينه و بين عمتها

و قامت تشجي حالتها

و صاحت عمي يا عباس عاين حالي و اتفكر