للعباس إجت زينب و طفل احسين وياها

تشجي امن العطش حاله و تجري ادموع عيناها

طبت لعند صيوانه و منها العين هماله

تقله شوف عبدالله اشسوه العطش بحواله

يخويه يبس إلسانه و ذبل هرش دلاله

و أخاف ارويحته اعليها يخويه يلحق اضماها

أشوف ايدير بعيونه و يتلفت لعد جودك

ترضه ايموت عبدالله يبحر الجود بوجودك

يخويه المثل هذا اليوم إلنه داخرك عودك

و من العطش يا عباس نار و تشب احشاها

يا خويه أطفال اخوك احسين كلها اتصيح عطشانه

حر العطش ماذيها و تتلاوح ابصيوانه

يا عباس أخوك احسين شنهو اذنوب رضعانه

تسل السيف بيمينك و تحوربها عله إعداها

لمن شاف عبدالله شاف الدمع من زينب

تغير و انخطف لونه و لاح الزعل بيه و أغضب

شال اعله المتن جوده و سل ابجفه المذهب

لجري لج بحر هاليوم يا زينب من ادماها

يختي الخيمتج ردي و بشري أطفال أخويه احسين

خليهم يتانوني و آنه الماي أجيبه الحين

و قامت زينب اتهلهل و شبحت عالطريج العين

وين اليوم منواكم و لفت كل رواياها