ابعطش قلبي اعتنيتك ..... نبع صافي لقيتك

خيالك ساكن ابعيني ..... و لا لحظة نسيتك

هويتك يا بدر غالب ..... يا عباس انته تدري

محبتك أغلى من روحي..... و حياتي و أمل عمري

يا نسمة بالعشق هبت..... يعذب الهوى اليسري

مثل دم نحرك الجاري..... محبتك بيه تجري

كتب دمك مناقب..... على عيون الكواكب

و انا بكل قطرة من دمي..... همت بيك و هويتك

محيط امن الفضل محد ..... عرف يا نقطة حدك

رغم ما قطعوا اجفوفك ..... بقت فياضة يدك

مثل ظلي يسايرني ..... و لا فارقني ودك

اجيتك جية الظامي ..... و نمير الدنيه عندك

اجيت و جسمي ناحل ..... أدور عالسواحل

ارتويت بفضلك وجودك ..... و أنا بدمعي رويتك

صرت كلما يمر ليلي..... يسلمني الصباحه

يجدد بالقلب حزني..... و توالفني المناحه

صحت و بمهجتي تنحب..... ذبل ورد الملاحه

يعباس القطتع جفك..... قطع جف السماحه

الوفه اتربه اعلى ايدك..... سقيته بدم وريدك

يريت الموت اخذ روحي..... و تعيش انته يريتك

قمر و انوارك التزهي ..... اختفت بين العواسل

قوافل دمك اليجري ..... مشت بين الخمايل

عليك الدنيته حزنانه ..... الك نشرت جدايل

تنوح و تنحب الفقدك ..... مثل نوح الثواكل

الورد ذبحو ربيعه ..... عل_ى متون الشريعه

و انه بمدمع جفن ذابل ..... يبو فاضل بجيتك

اسد و اخيام اهل بيتك ..... يبو فاضل عرينك

قمر و اصواب البراسك ..... حجب مطلع جبينك

جرت من عيني عبرات ..... و انوح السهم عينك

يريت انقطعت ايميني ..... و لا قطعوا يمينك

رسم دمك دواير ..... على حدود البصاير

جعلتك عبرة بعيوني..... و على خدودي جريتك