جناح الدمعة

للشاعر: عبدالله القرمزي

سّلّم يجناح الدمعه طاير من غصن العين

أجمل شعر اللي ايطبعه دمعك فوق الخدين

يحسين يحسين .. يحنين العين

يحنين العين .. يحسين يحسين

طاير من غصن عيني اجناحك قلبي واحساسه

جنك يا دمع شاعر تايه عن أعز ناسه

دوّر في البشر تلقى في كل ثاير أنفاسه

محبوبك يدمع العين ابكل حر مرتفع راسه

ابماي الحزن روّي الجفن وسلّم على المذبوح

واتصوّره في منحره فوق الجروح اجروح

واتأمّله في كربلا وعِيش العذاب اوروح

روح ابحسرتك لأوجاع الخيم وعِيش ابدمعتك نوبات الألم

و روّي كل طفل ابناره يشتعل و سلّم عالذي في قلبه السهم

سّلّم يجناح الدمعه طاير من غصن العين

أجمل شعر اللي ايطبعه دمعك فوق الخدين

يحسين يحسين .. يحنين العين

يحنين العين .. يحسين يحسين

ارسم يا دمِع لوحه فوق الوجنه تتصوّر

مشهد طفله مذبوحه عالجثة أبو الأكبر

وصدر الوالي من نوحه مثل الدمعه يتكسّر

بيها فاضت اجروحه وضم الطفله واتحسّر

انهض إلِي يابو علي يا والدي يحسين

لبنيّتك من طيحتك قوم امسح الجفنين

أتأملك و أنظر إلك ما ليّه والله عين

تدري ابجثتك يابويه اشجرى وقبلك مهجتي وروحي امهبّره

وعيني يالولي اعليك امحيّره وآملي دمع علحالك جرى

سّلّم يجناح الدمعه طاير من غصن العين

أجمل شعر اللي ايطبعه دمعك فوق الخدين

يحسين يحسين .. يحنين العين

يحنين العين .. يحسين يحسين

سلّم يادمع سلّم كلما تجري عالغالي

واذكر وانته متألم اشلون اتألم الوالي

واذكر صدره متهشّم و راسه بالرمح عالي

واذكر ثغره متبسّم ابوجه الموت اوما ايبالي

سلّم على دمّه الجرى وعالمنحره الهمّاي

وعالدمعته المتحيّره بين الخيم والماي

فوق السهم يوقع سهم فدوه لدمّه ادماي

سلّم عالظما وروحه امألمه وجسمه ال بالثرى وراسه ال بالسما

سلّم عالنبي وعظّم له الأجر وسلّم عال علي ودمعة فاطمه

سّلّم يجناح الدمعه طاير من غصن العين

أجمل شعر اللي ايطبعه دمعك فوق الخدين

يحسين يحسين .. يحنين العين

يحنين العين .. يحسين يحسين