الجواد عليه السلام

نادر التتان

أنا و گللبي و ألف دمعه

لفينا ابن الرضا نودعه

من الصبر للگبر سلام

على الجواد صفوة الكرام

تجنح شوگي و سنيني تدر من عيني سياله

و لبغداد الگللب يبعث على جراحاته مرساله

حبيبي و روحي مولاي ال جواد أسأل عن أحواله

صِدِگ على الي گاسى من هم

عمر تِغرَب و تِألَم

و عگب عذابه يجرع السم

أنا و گللبي و ألف دمعه

لفينا ابن الرضا نودعه

من الصبر للگبر سلام

على الجواد صفوة الكرام

تصبر ينزع الأشواك و يغرس حكمته و جوده

سِگَت دنيا من جروحه العظيمه و صارت حدوده

و أسف والله أسف رجل ال حقد داست على وروده

و نسى الزمن مقامه و أصله

و على البرية كلها فضله

و چَنه ساعد على قتله

أنا و گللبي و ألف دمعه

لفينا ابن الرضا نودعه

من الصبر للگبر سلام

على الجواد صفوة الكرام

وگفت على الدهر ميت أداوي سنيني بسنينه

و هِمِت وي موت غرگان بكراماته و مضامينه

يَدنيا بدمعي دفنيني في ذِكره و لا تدفنينه

حفَرته گبري لو يعيده

و من الثرى أقبل إيده

يرد و يضمد العقيده

أنا و گللبي و ألف دمعه

لفينا ابن الرضا نودعه

من الصبر للگبر سلام

على الجواد صفوة الكرام

تأمل أرسم مصابه و لگيت احساسي يتذكر

على فگد الجواد و عمره صوره بعيني تتكرر

شباب مفارگ الدنيا مثل عمه علي الأكبر

مصابه أكد الگرابه

و راسه جده بإغترابه

شهيد و ما اكتمل شبابه

أنا و گللبي و ألف دمعه

لفينا ابن الرضا نودعه

من الصبر للگبر سلام

على الجواد صفوة الكرام