الزهراء (عليها السّلام) تخاطبه :

يبو اِحسين غيرك قول دونه يا ناصر أحمد يا معينه

اُو يا مظهر بالسيف دينه خلهم لبيتي يحرقونه

اُو رضيت ضلعي يكسّرونه واجنين بطني ايسقطونه

بس اسم أبي لا يقطعونه

جيتك يبو زينب دخيله ابأموت متوطية عليله

لفقار حيدر لا تشيله

شاللي چتلني اُوعل كبدي واجري دموعي فوق خدي

لو انك قمت عنّي تعدي ما امروا قنفذ ابجلدي

يا ليت ابو ابراهيم عندي اُوينظر إلى اللطمة ابخدي

أجابها (عليه السّلام) :

إشبيدي عليك يا زينة الحور لولا الذي في اللوح مسطور

لنفخ عليهم نفخة الصور واحطم عليهم وادورهم دور

واخلي الفلك يوقف ولا ايدور كله سبب ضلعك المكسور

ميحتاج وانتي تنتخي بي أنا عادة الذلة مهي لي

إلاّ بوك ما خلا سبيلي لو كان خلا لي سبيلي

لحط الرحى فوق الرحيلي وقل يا سما اُو يا أرض ميلي

اُوقبل الغروب أشفي غليلي

كفي العتب عن آل عدنان ميوقف عمود ابغير صيوان

والرمح ما يطعن بلا اسنان والسيف ما ياخذ النيشان

عدنان عاد اُو آل عدنان صاروا بسبب الزند شجعان

اُو يوم قعدنا والعمد خان ذلّت فوارس آل عدنان

انكان يا زهرا تريدين اُبوك اسمه ما تسمعين

ردّي على هاللي ذكرتين اِباحمل اُو بقلب للأراضين

اُو باسمي أنا اترد الشياطين وانتين يا زهراء تدرين

الحرب ما ترهب أبو اِحسين لكن يزهرا انطالع الدين