رحيله (عليه السلام) من المدينة إلى بغداد

مْن ارض المدينه سافر الهادي بلبنين و محّد بقى مْن اولاد حيدر بالحجازين

سافر بَهل بيته و بقت طيبه خليّه ودّع قبر جدّه و عبراته جريّه

وبن هرثمه يقلّه يبن خير البريّه عجّل يقلّه اتوخّر النا بعد يومين

راح القبر جدّه مثل ما راح جدّه تمرّغ على قبره وصب الدّمع عنده

إيقلّه يجدّي ما بعد هالسّفر رَدّه ماشي بهل بيتي يَجدّي والنّساوين

أصبح و نادى بالرّحيل مْن المدينه ودّع قبور الاهل و الزّهرا الحزينه

و صاحت النّاس اوداعة الله يا ولينا هاي اليتامى والارامل تلتجي وين

بالدّرب جم برهان سوّى وشافت النّاس ذل العدا وخلّى الموالي رافع الرّاس

أشجار وانهار اسأل اللّي رجع للكاس وبْكل وكت يبدي المعاجز و البراهين

بغداد طب و خاليه ظلّت ربوعه وفزعت أهاليها النظر وجهه سريعه

و لَرْض المدينه ابعيلته اتعذّر رجوعه وسافر الْسامرّا ونزلها عمدة الدّين

بس ما نزلها شيعته عنّه امنعوها و جاروا عليه و مهجته ابسم قطّعوها

حتّى قضا وملّة الهادي ضيّعوها بديار غربه وعزوته كلهم بعيدين

و ابنه محمَّد في بلد قاضي نحيبه ومن بعدهم ظلّت ابوحشه بْلاد طيبه

و محّد بقى بيها من العتره النّجيبه وبديارهم يا حيف ينعب طاير البين

اجتمعت عليه بس مانزل بيها اهمومه دايم حزين وجرّعه الطّاغي سمومه

وعْلَى الطّهر صار اعظم الايّام يومه جهّز أبوه و غسّله بمدامع العين