الفقرة الثانيه

جسمك من وقع يم الشريعه

ضيعت اليتامى شلون ضيعه

ادركني يا عباس يابو الشيمه و الباس

و سل البطل عباس سيفه و شعلل النار

نار ابعين العباس و بركان الغضب ثار

و لمن خاص العسكر بحافر جواده

صاحت: هذا الفارس الجيدوم هذا

بيده العلم محمول و بروس العدا ايدوس

بس يتمايل السيف تتطاير له الروس

ماجت فرسان الحرب و الجيش باده

و عينه اعلى الماي و المشرعه امراده

قالوا: حيدر الكرار هذا ما عرفتونه ؟

و موت الموت عزرائيل من شافه انخطف لونه

العركه بحر يتلاطم ابموج

و صناديد الحريبه داخله اتلوج

و ظلت تنتخي الفرسان لسروج

و موج اعلى المنيه من بعد موج

مدري أشجع الأرداه لو ذاك الهُرَب دونه؟

و مدري أكثر الحُمره سيفه لو لظى اعيونه؟

كلمَن فزع من سيفه و صرخ وين

وين الملتجى و عباس صوبين؟

هي عباس جى لو ينزل احسين

تلقى الجيش عالغبرا مطاعين

ماجت اركان الكتايب من لفى راعي الحميّه

من أبو فاضل رماها اشلون غضبه هاشميّه

يرقص السيف ابيمينه و المجد يمشي ابفيّه

أشجع الفرسان يمّه ما حجى ابغير المنيه

بس وصل لمسناة و امتلت هالقربة

رد رجع للخيمات و اليتامى اترقبه

كلمن ايريد الماي و الحشا ملتهبه

صعبه هاي اللحظات عالعقيله صعبه