الفقرة الرابعه
جسمك من وقع يم الشريعه
ضيعت اليتامى شلون ضيعه
ادركني يا عباس يابو الشيمه و الباس
بيده حمل جوده و قصد للخيمه عباس
و الباغي بعموده فضخ للحامي الراس
براسك من هاي العمود اشلون طبره
او أمرك بصواب الجرح شلي يدَبره؟
بسهم اللي ابعينه ظل القمر محتاس
و اتذكر اسكينه و قلبه بالوجع ماس
قلها متحيّر ابسهمي و مقدر آشوف
وحدي حاطتني من الصوبي لسيوف
بس من قِطعوا ايميني شلِت القربه بشمالي
و لمن راحت اليسرى تلقى السهم دلالي
لا جفين عندي و سهم بالعين
خجلان القمر ما وفّى الدين
لاوين التجي من سكنه لاوين
و منهو اللي يذب عن خيمة احسين
خويه امحيّر ابأمري ليتك تنظر الحالي
من شافه أخوه احسين نزل للحومه الوالي
قلّه الحين خويه انكسر ظهري
و فلّت شوكتي و انهتك ستري
و بسهم المنيّه انخسف بدري
و من بعدك أنا الحاير ابأمري
اشلون اضمّك يا عضيدي مو أنا المقطوعه إيدي؟
و جسمي عالمسناة مرمي و صوبي مرميّه ازنودي
رمت إيدي اجفوفي لكن ما عِفِت رايتي و جودي
و منّي نهر العلقميه يرتوي ابنازف وريدي
قلّه خويه وافي و جفك علينه غيمه
في الشدد مو خافي جودك يَسور الخيمه
صدرك يخويه الغالي نبع الوفا و الشيمه
يمسح اجراحاتي و الحورة المكلومهالفقرة الرابعه - بيده حمل جوده
ديوان السادة
32
سطرًا