ما نريد الماي والدمع هماي

يكفينا اوجودك عباس يكفينا اوجودك عباس

ارجع لنا عباس

ما يتروى الظمأ او ما يتعافى الألم

او ما يطفي هالنهر من بعدك هالخيم

غايتنا ابشوفتك لى مال هذا العلم

خل يذبحنا العطش او لا يذبحنا الندم

ارجع لنا عباس

لاجل عينك .. او جفينك نموت او ماحد ايتروى

فدى الروحك .. ولا اجروحك عليك اسم الله امن البلوى

يا كافلنا .. او يا شأيلنا حيارى او دونك ما نسوى

الينا ارجع .. ترى الأوجاع رحيلك ياراعي النخوة

انسى كل اوعود يا أملنا اوعود

يكفينا أوجودك عباس

عباس جمر العطش لو بالماي انطفي

شي اليطفي ابغيبتك جمرات نار الجفى

إنت التروي النهر بالجود او بالوفى

ما نريد غيرك يا من لوجود بيك اكتفى

ارجع لنا عباس

الف خيمة .. يابو الشيمة نروح ابحسرتها افدى لك

ولا الطبرة .. على الغبرة دخيلك ما عندنا ابدالك

عمدنا انته .. ترد يمته اويرد للأحباب اوصالك

سلم راسك .. لكل ناسك ذخرنا ايمينك واشمالك

لا ذهب لا مال رجعتك لامال

يكفينا أوجودك عباس

يا تاج راس الفخر يا غرَّة مطلعه

يا لإله ابقدرته سواه او أبدعه

لقلوب كلها ارتمت وياك عالمشرعة

او لكتياب يم مصرعك يترتل مصرعه

ارجع لنا عباس

ابو الغيرة .. ما حد غيره يطيب الخاطر والعين

ابعطف قلبه .. او عذب حبه يا نسخة من روح احسين

يا راعيها .. او يا وافيها كفوا ابعباس او نعمين

فلا مثله .. ولا قبله ولا بعده اموفي الدين

تنفني الخيمات والنهر لو مات

يكفينا أوجودك عباس