الموشح

عند ﮔبره تهل عبرة

يتيمة حيدر الليلة

آني زينب و ﮔللبي لون جمرة حزن تلهب

.. ما بين حشاي

دنيا مظلمة أرضك سما متألمة روحي

.. و تحمل بلواي

بعدك منزلي تيتم ﭼم ليلا ابد يلتم

عطشانه الك بويه يابو الكوثر و زمزم

جاوبني ترى ماتحمله هال احمله و اسمع

.. مني شكواي

صوبني زمن من فرﮔ تك محتاجتك انته

.. علاجي و دواي

يا عيني تخليني يضل من بعدك اشكي له

عند ﮔبره تهل عبرة

يتيمة حيدر الليلة

خذني بمدفنك متغسلة بالمع ضلة لو من

.. فايض مصواب

هذي مهجتي متكفنة همي و على منه

.. شاتل محراب

ماريد العمر بعدك خذني يالأبو عندك

ليت اتوسده خدك جنه انظره لحدك

أرجع منزلي و الله صعب دمعي اليصب يبﮕى

.. بأنهار يذود

و عيوني تضل تشكي السهر و المنتظر انته

.. و ليه متعود

يا سراجي هوا تاجي ياضي عمري و قناديله

عند ﮔبره تهل عبرة

يتيمة حيدر الليلة

وشحال اليتامى الفاﮔده متزايده فيها

.. لوعة فرﮔاك

من تتذكرك تتخيلك تتأملك تنادي

.. بس ما تنظاك

لو عندي بﮕت امي ﭼان تﮕربت يمي

و مسحت يا علي همي و جمر المحنه من دمي

لو يحصل رحل ﮔللبي وصل عندها و حمل منها

.. ورد المثواك

سلم يا علي على اميمتي يا ضيعتي بلايا

.. ها و بلاياك

يا بويه تيتموني بعدكم ﮔللبي يا ويله

عند ﮔبره تهل عبرة

يتيمة حيدر الليلة