يا حيدر عداك البين نورك و الله ما غاب

غيرك ما تشوف العين يا دمعة المحراب

ملكت قلوب تبيع الدنيا لأجل ترابك

تعوف النبضة يا حيدر و لا تعوفك

هواك جروح رسمها في الجرح محرابك

و صارت في الجفن تتراكم طيوفك

تغيب شلون و تابوتك نزل بالعين

و قبل التربه و الله تغطى بالرمشين

بعد وين الزمن يتحدى عمرك وين

يا حيدر ..

خطاك البين و بجروحك طبرت البين

ياروح المصطفى اللي عاشت بجسمين

يموت العالم و ما تفنى يا بوحسين

يا حيدر ..

يا شمعة و ضمير و صوت في كل سيرة و كتاب

انته اللي هزمت الموت يا هازم الأحزان

يا حيدر عداك البين نورك و الله ما غاب

غيرك ما تشوف العين يا دمعة المحراب

تعدي سنين و عهدك يا يجف قرآنه

يرتل للبطوله و المجد أفعال

يا سور الدين يا درعه و قوته و أركانه

جبل تاريخك و ما تزعجه الأحقان

و لليوم إسمك إنته اللي يرد الروح

تثور الغبره لو بس ينذكر بالسوح

و إذا صحنا يا حيدر تلتحم الجروح

يا حيدر ..

يا حيدر لو عليك تلﮕى الأمان يلوح

و بأذن الله ترد صروح و تغوي سروح

و للأجيال يظل دمك زعامه يفوح

يا حيدر ..

يا ليت الوغى بخيبر سيفك لحظة ما خاب

إنته البطل يا حيدر راسك ﭼيفه ينصاب

يا حيدر عداك البين نورك و الله ما غاب

غيرك ما تشوف العين يا دمعة المحراب

تغيب شلون و عشﮕك ما تغيب أيامه

تطيع لو عنها في لحظة تغيب

مليت الكون و رويته بمعين الهامه

يا ملاك المهج يا كل معاني تطيب

مثل حبك يا حيدر للعلي الجبار

نحبك مو لأجل جنة و لا خشية نار

نحبك لأنك الحب يا علي الكرار

يا حيدر ..

إلك فوﮒ الجمر نمشي و لا نحتار

و لو نصبح رماد أبيض يا حامي الجار

يدلينا هواك و نوصلك زوار

يا حيدر ..

شبي الأرض نتعنى و الروس على التراب

نوصلك و نتمنى موتنا بهالأعتاب

يا حيدر عداك البين نورك و الله ما غاب

غيرك ما تشوف العين يا دمعة المحراب