الفقرة الثالثة

قد بكت عين محمد لحسين يوم يولد

و سيبكيه شهيد كل قلب و وريد

من خلﮕنا الله و احنا كل حزنا كربلاء

و من بﭽينا كانت اول دمعه لينا كربلاء

و من نطﮕنا كلنا ﮔلنا يا ذبيح بكربلاء

كل عمرنا يصفى عاشر و كل أرضنا كربلاء

سجدنا بحبات ترابﭻ تسلينا بعظم مصابﭻ

و دعينا و من تحت ﮔبابﭻ مجابه الدعوه

وﮔفنا بلوعة عالبابﭻ و ﮔللبنا تعلق باهدابﭻ

و حبيب الهادي بمحرابﭻ ذبيح العبرات

كل سنة نعيدﭺ و ﭼنﭻ صرتي توﭺ كل سنة

ﭼنها زينب توها تشرب من المحن كاس العنى

هذا عباس و يمينه بالشريعة مأذنة

كلما نتحسر و نبﭽي حسرة تتجدد لنا

حزن منه الكون تﮕطع و على عرش الدنيا تربع

كأنه لغيرﭺ ما نسمع يا عاشور حسين

لغيرﭺ مدمع ما يدمع يهل عالفوﮔﭻ يتوزع

ألم بالعالم يتصدع غزى كل السنين

عهدنا بوعلي نحيي عزاك عهدنا

و كل ما نعيدك نعيد بولاك عهدنا

شباب رجال و أطفال بخطاك و نسانا بوعلي تعاهد نساك

على خطك خطانا و انته همنا و ثارك للابد يجري في دمنا

زحفنا و عن سبيلك ما انهزمنا يجي يوم و نثور وياك كلنا

فدالك والله يحسين الشباب فدالك

و ذهب لو ينﮕللب كل التراب فدالك

الك يابوعلي الغالي يهون و اذا ترضى يكون اللي يكون

جمال اسمك يرفرف في علمنا يا عزتنا و يا نافورة عزمنا

يا دامي غسل بجرحك ألمنا و حبك أنته في الدنيا سهمنا

صك الحجر جبهة نﮕب و امسك يا غالي جبتهك

سهمك وﮔع بينا ﮔبل ما ينرمي

طاح العرش فوﮒ الثرى يحمي و يداري طيحتك

جبريل من تترحبه اوداجك مع ذبحتك

جمال النبي في جمالك يذبحونه فوﮒ الوطيه

و ضلع البتولة بوصالك يرضونه يبن الزﭼيه

و قرآنك الناطﮓ أسفر صباحه على السمهريه

و نسوانك على المطايا إلى الطاغي حسرة و هديه

لا تسألوني يا خلﮓ هلساعة عن أية بلى

كل المصايب تنسى إلا مصيبة كربلاء

يوم اللي شيال العلم عالغبرة جثة مجدله

و من نحرة آيات الجلال بالترايب سايله