الفقرة الأولى
في كل ضميرٍ مرقد صَبراً يا آل مُحمَد
ضريح .. ذبيح .. يصيح
مراسيل الألم طارت من السجاد و ﮔيده
حملها كل وجع طيبه لسامراء الشهيده
حبرها كل ﮔبر ذاب صحفها أضلع الباب
و عنوان الرسالة إلى الي غاب و ما غاب
ضلوع .. ضلوع
دموع .. دموع
ضلع مِنهم وِﮔع منها على الروضة و هضمها
و ضلع لأرض النجف وصل و هوى يشمها و يضمها
و وصل باﮔي الباب لسامرا و بالأعتاب
وِﮔف و دموعه ﭼنها تِهل وينك يا سردار
بَدار .. بَدار
يَثار .. يَثار
يَحجة الله مصبرك عالرزايا و هول الشِدد
تِعب بقيعي ينطرك من بعد هذا اصبر بعد
أذكر إن ﮔبري ﭼان إله مقام
و إنهدم و ظل يظلله الحمام
هدموا بقيعك و الصبر صنيعك و ما حسبتك على هالجمر تِنام
و عِترة البتولة بصالح و فصيله ما تساوي حﮕها يا إمام
عيني الجرية يا أبو الحمية مو على ذهب تنوح و لا رخام
عظم الله أجرك و أحسن الله صبرك هدموا يَمهدي قبة السلام
ضريح ابوك و ﮔبته و العمامه فوﮒ الثرى
يَمهدي تِدري حضرته يابو صالح متفجره
ذِبحوا الضريح و طه و البلد
و المقام و راسه مو على الجسد
و الصحن يَكافل تحسبه بوفاضل و راسه ﭼنه صابه يالولي العمد
و خرت المصاحف عالثرى بدماها و منها تجري قل هو الله أحد
كعبه في حزنها و منهدم ركنها و ما شكت هضمها غيرك لأحد
روضها ﭼنها جفني تبﭽي يَبني يَبني و الأبوه تدري حﮕها عالولد
ﭼني بروحه تبث لغيابك أساها
و مَدري بجسمه سِلم لو تناثر معاها
يَغايب بطى عليها ميعادك و يكفي مصايب على افادك
متى تملي هالدنيا بسلامك و تثأر يَبو الشيمة لأجدادك
بعجل .. العجل
العجل .. العجل
عجل دينك عِفى من الأسى و ما لفيته
و إدرك ثارك عسى يالولي ما نسيته
غيابك على الشرعة طولته و كل محنة حلت بعد لَمته
و بعد في البلايا بلا أكثر مَهو كافي يالغايب الشفته
غياب .. غياب
عذاب .. عذابالفقرة الأولى - مراسيل الألم طارت
ديوان السادة
43
سطرًا