يابويه يابويه لا ترحل يابويه

شفت براسك هالطبرة ..

و ذكرني مصاب الزهراء ..

أذكر من طبوا الأشرار و الزهراء من دون خمار

و خلف الباب يعصروها و بالصدر ينبت مسمار

و أنا و الحسنين نشوف حالة أمنا و إحنا صغار

كل الضيم البدنيا بذاك المشهد شفته و ذار

و لليوم أسمعها زين كسرة ذيﭻ الضلعين

و المحسن فوﮒ الأعتاب ..

يتعفر شفته يا ياب ..

يابويه يابويه لا ترحل يابويه

شفت براسك هالطبرة ..

و ذكرني مصاب الزهراء ..

شفت النار النار النار يابويه تشعل بالدار

مسعوره و من يطفيها و إنته مﮕيَد يالكرار

و بالحبل بس من سحبوك و أمنا خلفك تتعثر

إيد على الضلع المكسور و إيد بﭽفها تتستر

مظلومة مظلومة شفنا أمنا و مهضومة

شفناها والله تنضام ..

و خلتنا يابويه أيتام ..

يابويه يابويه لا ترحل يابويه

شفت براسك هالطبرة ..

و ذكرني مصاب الزهراء ..

و الي جرى عليها و صار باﭼر يجري لي و أحتار

تهجم الأوغاد بخدري يابويه و تشعلها بنار

و نفس المشهد يتكرر و المحنة و أطفال صغار

مذعورة و يآذيها الخوف و آني بالﭽفوف أتستر

مسلوبة و مالي ﮔناع و ﮔللبي شايل أوجاع

و إفادي يضل بالحسرة ..

و آلام المحنة تعصره ..

يابويه يابويه لا ترحل يابويه

شفت براسك هالطبرة ..

و ذكرني مصاب الزهراء ..

و طفلي الشفته يتعفر يتكرر نفس المنظر

من يلفي بعبدالله حسين مذبوح بسهم المنحر

يَم باب الخيمة يخليه و ﮔللب أخوانه يتفطر

طفل و سابح بدمومه و أمه تشوفه و تتحسر

مظلومه مظلومه يابويه و محرومه

و رنة هاذيﭻ الضلعين ..

أسمعها من صدر حسين ..

يابويه يابويه لا ترحل يابويه

شفت براسك هالطبرة ..

و ذكرني مصاب الزهراء ..