مصيبه و العرش لَعظم لها ماي

و عيني دم تسح لا تظن لها ماي

و شﮓ السيف يا ريته لها ماي

تعيش إنته و لي حتف المنية

طلعت حايره زينب من عندها الﮕللب يلهب

و بباب الخدر تنحب تصرخ يا علي حيدر

رفعت للسماء الﭽفين تدعي و الدمع بالعين

ربي رد أبو الحسنين سالم رده لي حيدر

من شفته طلع يﮕرأ المعوذات

عينه بالسماء تﮕللب الصفحات

و دموعه جرت تحفر الوجنات

صرت بحسرتي و أصفج الراحات

و من شد محزمه الباب ينعي و دمعه سﭽاب

إحزم يا علي حزام المنية

ساعة و ماجت الكوفة و شفت الﮕمر و خسوفه

و هيج بالﮕللب خوفه سالم يا علي حيدر

و الدنيا عويل و نوح و الونة تفت الروح

و صوت من السما مجروح يندب يا علي حيدر

و إرتفعت من الجامع صوايح

تصرخ يا علي و ضجة و مناوح

طلعوا يحملونه بالنوايح

و حسرة و صارت الكوفة بزلازل

و أصفج راحلي براح يا عزي الﮕِضا و راح

مصابك يا علي أعظم رزية

و ألفاها العزيز حسين ينحب و الدمع صوبين

و صاحت يا نظير العين وِشحال الولي حيدر

و رد و دمعته هلت شوكتنا ترى افتلت

بس هالضربة من حلت ضيعنا علي حيدر

يا زينب ترى تبدد شملنا

و ضِعنا يالعزيزة شلون ضيعة

هالضربة ترى هدت حِملنا

يَختي و انهدم ركن الشريعة

تبﭽي على هالمصاب الشرعة الكتاب

و الأملاك في السبع العليَة

ضَلت تلطم الهامة تشوفه يكابد آلامه

و راسه تعصبه العمامة واليها علي حيدر

ياليته جفاني الشوف ولا شوفك ﮔَمر مخسوف

دامي يا حلو الوصوف و تون يا علي حيدر

سيف الي طبر راسك الغالي

ﮔطع كل شرايني و ذبحني

و الله بشوفتك خابت آمالي

ونك يا عزيز الروح فتني

بس أسمع الونات تصير الموتة موتات

تنزع روحي و تردها عليهَ