يا روحي يا جسام خانت بيك الأيام
يالبحرين دمه لجل الاسلام
آه يابني يا جسام
عريس الشهادة البلحرب صار دامي الحنا دمك
يالسجلت بالطف أعظم أدوار من ناصرت عمك
بفراﮔك دليلي يسعر هناك و أسمع صرخت امك
بعد شيصبر الروح
عليك الﮕللب مجروح
المنيه خطفتك من بين الخيام
يا روحي يا جسام
يا روحي يا جسام خانت بيك الأيام
يالبحرين دمه لجل الاسلام
آه يابني يا جسام
يا ريع الﭽبد شيصبر المفجوع من جور المصايب
أمل ﮔللبي مثل منحرك مﮕطوع بسيوف النوايب
أريد أعلﮓ شموعك بين الضلوع يا نبراس الكتايب
يابني الحسن أنخاك
و أبعث روحي وياك
بل ﭼن جرح ﮔللبي الليلة يلتام
يا روحي يا جسام
يا روحي يا جسام خانت بيك الأيام
يالبحرين دمه لجل الاسلام
آه يابني يا جسام
يا جاسم والدك تنذبح وصه تتقدم ضحيه
و بهاي الشهادة غفت عيناك بفراش المنيه
وصاك الحسن تتحنى بدماك لا تنسى الوصيه
و عمك نادى هلصوت
خالد تظل ما تموت
ﮔللبي و ﮔللبك و ﮔللب الحسن هام
يا روحي يا جسام
يا روحي يا جسام خانت بيك الأيام
يالبحرين دمه لجل الاسلام
آه يابني يا جسام
ﮔلب اُمك مثل جسمك المصيوب صوب بالمصيبه
ما حسنت اشوفك يابني مخضوب من جثه سليبه
علينا بكربلاء هلأمر مكتوب أظل بالطف غريبه
ﮔللبي من الحزن ذاب
هام بجنح المصاب
و هاشم إلك نشرة سود الاعنان
يا روحي يا جسام
يا روحي يا جسام خانت بيك الأيام
يالبحرين دمه لجل الاسلام
آه يابني يا جساميا روحي يا جسام
قصائد قريبة من الجو نفسه
ديوان السادة
43
سطرًا
