لا فرحة و لا عيد و الدنيا مظلمة

يا فجر التوحيد يابو الأيمة

فرحتنا يا داحي الباب

يوم الترجع المحراب

ﮔلي منين تجينا الفرحة و شلون تعيد الناس

و إنته راسك هذا جرحه يا عزنا مفضوخ الراس

ﮔلي بيا عيد إحنا نفرح ..

و إنته راسك دوم مجرَح ..

من فعل ﮔوم الأرجاس ..

لا عيد لنا و لا أعراس ..

كليوم بمحرابك طيحة لينا و نتلفض الأنفاس

كليوم بكربلا ذبحه لحسين و ذخره العباس

كل ساعة شيعي يتجرَح ..

جرحه و ماي عيونه ﮔرَح ..

والله الظالم ماله احساس ..

كل ساعة صدر ينداس ..

هذا بالأحزان تاريخ الشيعة

في كل البلدان ليهم فجيعة

مظلومة الشيعة و الأسباب ..

تنحصر في داحي الباب ..

لا فرحة و لا عيد و الدنيا مظلمة

يا فجر التوحيد يابو الأيمة

فرحتنا يا داحي الباب

يوم الترجع المحراب

بس يالحوره ﮔللبي تعذب بسﭻ ﮔرَح ماي العين

خلي يسلونﭻ يا زينب من بعدي حسن و حسين

صاحت زينب دمعي خلا ..

من بعدك شلون أتسلى ..

خبرني يابو الحسنين ..

بويه ﮔِلي رايح وين ..

تمشي و تدري شلون اتسلى بعد تﮕطيع الجفين

تدري الدنيا بيه تلعب و تدري بسطوة البين

تدري براس الي يتعلا ..

و تدري هم عني تتخلا ..

و إنته قاتل العَمرين ..

و فارس بدر و حنين ..

تيتمني و تروح تدري بالأيتام

اشﮕد بيها جروح من جور الأيام

يابو اليمه ﮔللبي ذاب ..

من راسك بالسيف انصاب ..

لا فرحة و لا عيد و الدنيا مظلمة

يا فجر التوحيد يابو الأيمة

فرحتنا يا داحي الباب

يوم الترجع المحراب

محزونه زينب محزونه ﮔللبها للخوف يميل

كلما شافت يمرضونه دمه من جرحه يسيل

ﮔللبها لزمته الرعشة ..

و خافت تنزل الوحشة ..

دعوتها يا ربي يطيل ..

عمر اليحمي التنزيل ..

من الله أطلب العونه أقسم قسم بالإنجيل

سلم لينا الي من دونه ترى علينا الدنيا تغيل

من بعده مالينا عيشة ..

عيشتنا آلام و دهشة ..

و نعيش بظلمات الليل ..

و الظلم علينا سيل ..

بعدك يابو حسين عيشتنا مُره

من دمعة العين منصب العبرة

حيدر علي يوم انصاب ..

صوبنا جرح ما طاب ..

لا فرحة و لا عيد و الدنيا مظلمة

يا فجر التوحيد يابو الأيمة

فرحتنا يا داحي الباب

يوم الترجع المحراب

نوايح و الحالة صعبه و علي في نزعة الروح

على أولاده ذايب ﮔللبه عليهم بالحسرة ينوح

و يناديهم بس يَولادي ..

بسكم نوح ذاب افادي ..

من زينب ﮔللبي مجروح ..

ما أﮔدر أسمعها تنوح ..

أتذكر آلام الغُربة و راس الي بالرمح يلوح

أتذكرها و أنسى الضربة زينب للشامات تروح

ﭼني بها بالشام تنادي ..

يا بويه و الدمع بادي ..

و حسين تخليه مطروح ..

ﮔللبه بالسهم مجروح ..

أتذكر زينب و أنسى آلامي

ﭼني بها تنحب و الﮕللب دامي

و تنادي وين الأحباب ..

بالضرب تلﮕى الجواب ..

لا فرحة و لا عيد و الدنيا مظلمة

يا فجر التوحيد يابو الأيمة

فرحتنا يا داحي الباب

يوم الترجع المحراب