يَبنَيتي البين بينﭻ حال و بيني

هذا المكتوب لا تترﮔبيني

لا وين تروح عن أراضي طيبة

و بروحي لا تخليني غريبة

يبوها أنظر إليها و خفف عنها ونها

يالمسافر مشيك ﮔطع يابوها ظنها

عليله بوحشة الدار و تسوﮒ الضعن عنها

تﮕوم تودعك نوب و ﮔوقع من حزنها

ما ظلت لا نسوة ولا اطفال

يا بويه و ما ﭼني عالبال

جسمي منحول و ﮔللبي مشعول

ﭼنه غيابك يا بويه يطول

يا حجاب الصون صوني منين أجيبه

شلون تضعنون عن طيبة الحبيبة

يَبنَيتي البين بينﭻ حال و بيني

هذا المكتوب لا تترﮔبيني

لا وين تروح عن أراضي طيبة

و بروحي لا تخليني غريبة

حنينﭻ ألهب حشاي دهش بالي و فتني

و كلما ونة مرت بأذاني ذوبتني

شسوي و كِتبة الله يا حرة ﮔيدتني

و مثل ما الفرﮔة صعبة فرت ﮔللبﭻ فرتني

مالﭻ ﮔبر ويانا محفور

ولا لﭻ سبي و ضيعة لغرور

خذني لا موت ﮔللبي مفتوت

نار الوحدة وحشة الﮕيود

عني تشيلون من لي أشتكي له

بيه تدرون يا بويه عليله

يَبنَيتي البين بينﭻ حال و بيني

هذا المكتوب لا تترﮔبيني

لا وين تروح عن أراضي طيبة

و بروحي لا تخليني غريبة

لو الوافد لِفانا شﮕله و شنطيه ردود

جوابي لو سألني دمع جاري على الخدود

يبويه تكفى خذني يا صَرح الشيم و الزود

ولا تتركني وحدي لو تﮕلي متى تعود

ضلع الزهراء خذني وياك

ما أتصور أبﮕى بلياك

و يبﮕى بالأﮔياد سافي الغبار

من أرض طيبة و بﮕللبي نار

بعين الرحمن كل ﮔللبي ملامة

بس تردون ليه بالسلامة

يَبنَيتي البين بينﭻ حال و بيني

هذا المكتوب لا تترﮔبيني

لا وين تروح عن أراضي طيبة

و بروحي لا تخليني غريبة