حياتي واربع اولادي اقدمهم بديه

اجيتك يا رسول الله اون وابجي على قبرك

سكتت ولساني ما يحجي دمع عيني اليخبرك

ضعن ريحانتك للطف تعنى وشنهو بصرك

يعينك ربك الواحد يا بو الزهراء ويصبرك

بحياتك وبمماتك ** تقاوم نايباتك

اجيت اليوم ابين لك خبر آخر رزية

على سبطك يا رسول الله عصف ريح المصايب

صفت هالدنيا بعيونه مثل سود السحايب

صحت يا وليدي لا تهتم يا بن ليث الحرايب

ذخرت لساعة الكلفة الك اربع غوالب

الك يا بني ذخرتهم ** لمثل هذه ردتهم

يا روحي ويا بعد روحي يعز فقدك عليه

تمنيتك يا بو الزهراء وداع ابنك حضرته

واراويلك جرح جبدي وصبر قلبي اليصبرته

نسيت اتعابي وسنيني وسهر ليلي السهرته

بنيني وكل تعب عمري لابو الاكبر ذخرته

طلع من المدينة ** مشت عني الضعينة

غدت كل خطوة ترسم لي علايم للمنية

مشى وانه بوسط جبدي مشى بجمرة حنيني

تعنيتك يا بو البضعة بحزن قلبي وونيني

على موضع قبرك الطاهر تصد يا الهادي عيني

واشوف بكل ركن منه شواخص من بنيني

على قبرك يا محمد ** احس قلبي توسد

اخبرك عن سفر ابنك واون ونة خفية

تعنى وهم لارض الطف زلم كفلت حرمها

وانه تعنيتك بروحي ومرارتها وهضمها

مثل ما جتك الزهرة على قبرك تشكي همها

اجيتك يا نبي الرحمة بحزن روحي والمها

المدامع تجري يمك ** اواسيك على همك

المدينة موحشة وظلمة عقب نجم الثرية

تمنيت ابقى يم قبرك اظل ليلي ونهاري

اروح لداري ما اقدر مظلمة ووحشة داري

واحقك لو شفت دمعي يصب وبقلبي ناري

لبنيني ما اون وابجي على سبطك دمعي جاري

انوح وقلبي هايم ** اذا يرجع لي سالم

نذر عندي واريد ازرع طريق الغاضرية