تحيرني و تذكرني .... يا جابر لا تناشدني

يا جابر هيجت حزني يجابر قلبي ذكرته

عليمن تنشد و ما ظن مثل ضيم الذي شفته

عتابك زيد آلامي يا عمي و حيلي هدمته

دفنت احسين أبويه اشلون و بديه ابقبره نزلته

و كلف وضعي .... و يهل دمعي

وحيد و من يساعدني.... يا جابر لا تناشدني

يا جابر مرمي من شفته هويت اعليه أشمنه

و أبد ما تنعد اجروحه و حرت يا جرح أضمدنه

يا جابر جسمه الموذر قمت بحفوفي ألمنه

و أشوف اضلوعه مهشومه يجابر خاف ألجمنّه

انشده فكري .... و حرت بأمري

عليل و جرحي ضاهدني.... يا جابر لا تناشدني

شفت بعيوني يا جابر شبيه المصطفه الأكبر

ذبيح و بالدمه امخضب و أعاين جسمه لموذر

يجابر من قمت منه و حق جدي علي حيدر

توجيت اعله وجه القاع ردت أنهض لجن مقدر

حنه ظهري .... و نفذ صبري

أخويه افقدته بيدني.... يا جابر لا تناشدني

و شفت لمن وقع عمي الجفيل و قطعوا الجفين

تعنه الخيمة العباس ابظهر محني أبويه احسين

و عمدها الطيحه بيده و جذب حسره و تهل العين

و أشوفن والدي بحيره وحيد ابولية الصوبين

انقطع نحره .... انهشم صدره

الخطر أصبح يهددني.... يا جابر لا تناشدني

يجابر قصتي قصه تحير أهل الفكر بيها

إلك من يا كتر أبدي لون يجابر أحجيها

مسيت العاشر أذكرها و لعيال اشجره اعليها

خيم حرقوها و التهبت عليل اشلون أطفيها

و خيم شبت .... و حرم هجت

و أشوف النار التدي.... يا جابر لا تناشدني

تذكرني و يهل دمعي عله الوجنه شبيه السيل

و رماني جم سهم ظالم و أحسنه يهدم الحيل

شفت أيتام أبويه احسين يجابر تسحقها الخيل

و شفت عيله يضربوها و إلمن تشرد ابها الليل

و شفت زينب .... غدت تنحب

تنادي خويه شاهدني.... يا جابر لا تناشدني