هالأمه يهاديها .... بالعتره اشتوصيها

أنشدك يا نبي الرحمه .... گبُل متفارق الأمه

بالعتره اشتوصيها

قبل ما يخفق اجناح المصيبه إعليك .... قبل ما هالأجل يالمصطفه ايوافيك

ضمير العالم العلوي بده إيناديك .... ينشدك و الدمع ينبع دمه ايحاجيك

يقلك أمتك بالهم تعنت ليك .... اشتوصيها قبل ما قبرك ايواريك

بس هالليله من عمرك .... و باجر ينحفر قبرك

أريد إتبادر ابجلمه .... گبُل متفارق الأمه

بالعتره اشتوصيها

أنه العالم العلوي اللي نفذ صبره .... أصب لمصيبتك عبره بأثر عبره

مو هين لون وجهك خسف بدره .... و لا هين أشوفن جسمك ابقبره

يبو إبراهيم و انته أعلم و أدره .... عقبك جم مصيبه تحمل الزهره

وصي أمتك بيها .... و من بعدك تراعيها

قبلما تحدث الأزمه.... گبُل متفارق الأمه

بالعتره اشتوصيها

يبو إبراهيم وصي المه و الأصحاب .... و إخذ منهم عله الزهره عهد و اكتاب

قلهم لون وجهي الليله عنكم غاب .... لا يهجم شخص من عدكم اعله الباب

لون ضلع الوديعه ابغيبتي ينصاب .... يصير اهناك موقف بالحشر و إحساب

لو أسمع خبر عنكم .... ما أقبل عذر منكم

عهد يتسجل و ذمه.... گبُل متفارق الأمه

بالعتره اشتوصيها

بعد ثاني وصيه اوياها يالمختار .... أريدك توصي هاي الأمه بالكرار

بيّن فضل من ليه الإله إختار .... و ذكرها ابحدث يوم الغدير اشصار

قلها لو سلبتي احقوق حامي الجار .... باجر بالقيامه ايشب سعير النار

و اليلزم نهج حيدر .... ينجح ساعة المحشر

بعد يا منهل العصمه.... گبُل متفارق الأمه

بالعتره اشتوصيها

بعد عندك وصيه لأمتك هاليوم .... يا الهادي قبلما ينزل المحتوم

قلهم شمس آنه و أهل بيتي انجوم .... و هذا الحسن إبني إمن الزلل معصوم

إمام و طاعته امن الخالق القيوم .... ماريده يجيني بالأثر مسموم

و انته ابفضله ذكرها .... و من الغدر حذرها

و تشير اعله الذي اتسمه.... گبُل متفارق الأمه

بالعتره اشتوصيها

قبل موتك عليك الكون صار أظلم .... و بعد آخر وصيه و حان المحتم

يبو إبراهيم هبت عاصفات الهم .... حذر أمتك لا ينهدر كل دم

ابحال حسين بس رب العرش يعلم .... وصيهم قبلما هالفزع يلتم

ربك أعلم و أدره .... يا سيف اليحز نحره

تحذرها سفك دمه.... گبُل متفارق الأمه

بالعتره اشتوصيها

متت و ابتدت من بعدك محن تظهر .... و لا نعرف جمر يا محنه صار أكثر

ضلع بنتك الزهره انهشم و اتكسر .... و بالمحراب مصيوب انصرع حيدر

و جبد الحسن بالسم ذاب و اتفطر .... و جسم حسين بالطف دامي و اموذر