يامحله جوگات اللطم من تنظر اعليها

بدفترها حتماً فاطمه اتسجلنه بيديها

شلي ابحياتي ودنيتي لو ما لطم بيها

خل صدري يوگع والمهم فاطم اواسيها

روحي متعلمه...بالخدمه...هيبه ومكرمه

اشكر الهي اعله اللطم من زغري حزمني

عالكربلائي والدي والشور علمني

اذكُرها امي بكل عزه للزهره نذرتني

گالت لون عفت اللطم يعني انته مو ابني

ابمجلس الزهره...متحضره...امي الخادمه

عاشور عمري والدمع من زغري عاشرته

يامحله ثوب الأسود اعله الزهره فصلته

كلمن تحزم باللطم اعليه قدمته

لطام اعرفه من العلگ وأتوسل ابخته

عابس اجنوني...عرفوني...عمري امقدمه

من تحضر ابهاي المجالس كون عالفطره

لتفكر بهيئة وعدد وياهو الذي يقره

اظلوع الزجيه ياخلك تدروها متكسره

يامحله عالفطره اللطم لاتدور الشهره

فاطمه تحضر...وي حيدر...حماي الحمه

امصاب الزجيه والظلع والباب اذكرها

مو ضلعي كون الفاطمه اظلوعي اكسرها

ترضوها حرمه والزلم بالباب تعصرها

والصعبة ياناس اعله خدها الثاني يسطرها

شتسوه...دمعاتي...مولاتي...مدمعها دمه