كربلاء . واني آخذ رمح

كربلاء . باقي يمچ گمر

كربلاء . كربلاء

كربلاء من التعب مانستراح...واليجيچ ابلا جرح يرجع جراح

چنتي ظلمه واحنه جبنالچ صباح...تالي ردينه سبي وروس برماح

بالله . ليش ماتوا من الضمه

بالله . ليش تنشتم فاطمه !

بالله . ليش ماروانه النهر

كربلاء

بالسهم راس الطفل وامه تصيح...جسمه يم جسم الأبو يمچ طريح

يعني حته ال بلمهد يرجع ذبيح...من يميل الراس أحس گلبي يطيح

من يميل . راسه من الهوه

من يميل . احنه نوگع سوه

من يميل . ناگة أُمه اتعثر

كربلاء

راس ابو الغيره تهشم والأسير...من يثبتونه برمحهم ما يصير

ابرگبة الناگه تعلگ بالمسير...ظلت اعيونه علينه تستدير

بالعمود . راس اخويه انهشم

بالعمود . عالرمح مارهم

بالعمود . حته گلبي انكسر

كربلاء

راس اخويه أبلا ملامح يا مُعين...حافر ابعينه وحوافر عالجبين

باقي بلحيته أثر چف اللعين...مغيره اوصافه ابو گلب الحنين

ياذبيح . تنسحگ جثته !

ياذبيح . ينظر لعيلته !

ياذبيح . خنصر إيده انبتر

كربلاء

هيه كل خطوة سبي ابطول المصاب...واليتيمه طيره بأنياب الذئاب

صرنه مانعرف بعضنه من التراب...الفاگد الغيره وله أم الحجاب

يازمان . راحت أم الخدر

يازمان . ويه سوط الشمر

يازمان . مو ذبحني القهر

كربلاء

إحدي ياحادي الظعن دربك طويل...إحدي ماعندي زلم غير العليل

إحدي لكن هالله هالله بالكفيل...ويه كل خطوة سبي راسه يميل

بالطريق . وني ما ينسمع

بالطريق . بس سوالف دمع

بالطريق . نايبات وخطر

كربلاء

من چنت ويه إخوتي كلهم ضواي...امشي محروسه وابوفاضل وراي

من بعد ذاگه الخدر محسوفة هاي...هسه چتال إخوتي يمشي معاي

وين اروح . من عيون العدو

وين اروح . عندي ما ظل أخو

وين اروح . من سهام النظر

كربلاء