انشالت الراية على هام السمه...الما نظر بيرغنه بعيونه العمه

يا محمد يا علي يا فاطمه...إلكم أرخص شي دمانه انقدمه

ثابتين اعله الولاية الحيدرية

صحنه بسم الله شدينه العزم...خطوه ما نتراجع و جلمة زلم

لو هتفنه يا علي ايطيح النجم...الما فهمنه واجب اعليه يفتهم

احنه شيعة حيدر و مو ناصبية

احنه شيعة و اليضدنه يبتلي...و اليحشمنه همومه تنجلي

احنه ولد حسين و الزهره وعلي...بيهم الهامات تبقه تعتلي

الله سوه الغيرة بس للرافضية

كل موالي ايصيح أفدي منحري...دمي أبيعه و لولاية أشتري

حته أبو فاضل حسيني و حيدري...هوه وقع بالخدامة دفتري

راية العباس رايه فاطمية

اعرفنه نهج الله بنهج عقد الوله...بيعته بالعشرة وقعنه إله

بالنجف قرآن حبنه انرتله...عاصمة دولة عشقنه كربله

صرخة ما بين النجف و الغاضرية

بهالدرب لا ما يغيرنه الدهر...بهالعشق راوينه للدنيه صور

آه تبقه اعله الضلع واعله النحر...باقية حته قيام المنتظر

من المجالس نبني دولة مهدوية