وصيته و ناداني بهاي...آنا العباس الوفاي

من أزعل ترجف دنياي...معقولة اتريدين الماي

هاليوم يطق راس براس...وصيت أخوج العباس

شايل جودك جبرائيل...و الرايه اجناح اسرافيل

سيفك صرخة عزرائيل...لو دب الخيل اعله الخيل

للخوه ايصير المقياس...وصيت أخوج العباس

دق صدره و صاح تأمرين...وصيني وقولي اشتردين

وشحده اليوصل لحسين...آنا العباس و تدرين

ما يرجع و اتعرفه الناس...وصيت أخوج العباس

عباس اتعرفينه اشلون...خيال و طب اعله الكون

فنهم لحدوده ايعبرون...مجنون اليوصل مجنون

يحجيها بهذا الإحساس...وصيت أخوج العباس

عباس اشلون اتوصيه...و الشاطي بجوده ايعبيه

من خيمه الخيمه ايجر بيه...كوثر بجفوفه ايخليه

ايزلزلهم راعي النوماس...وصيت أخوج العباس

برض الطف مسروجه اخيول...يا بو الغيره و ما معقول

قدامك فرسان اتصول...لو عطشت زينب شتقول

لا ميقصر راعي الباس...وصيت أخوج العباس

قال آنه الحد و الميدان...خليها اتصول الفرسان

أكتب للخوه العنوان...و أشريها ابدم الشريان

دمي الما يخضع نبراس...وصيت أخوج العباس