و القلب لبّه و سعه...كربله يا كربله

آنا وصيت النشامة أدري يوفون...أربعه و خالد ذكرهم ما يموتون

ولدي ويه حسين أخوهم ما يقصرون...حته لو عدلين رجعوا هم يضحون

حسين كاتب عالنحر...فدوه لإسمك يا قمر

هالنحر ما أروعه...كربله يا كربله

زينب الحره بخدرها اتسولف الناس...وقفت اليوث أربعه بخيمتها حراس

يوم صاحت وين أخويه اليرفع الراس...قطع اجفوفه اعله شاطي النهر عباس

هذا أخوها و غيرته...جفه ما هد رايته

عهد بالدم وقعّه...كربله يا كربله

آنا ولدي اتسولف الدنيه بعزمهم...لوحه رسموا للوفاء بلون دمهم

ما يموت الذكره مقرون بإسمهم...للشرف ضحو مثلما وصت أمهم

اخوان سبع القنطره...للمراجل مفخره

بالولد متبرعه...كربله يا كربله

آنا أم الأربعه الوفّت لبنها...اتسلحت بالدم و طلعت من وطنها

ربة أهل المرجله و ما خاب ظنها...غيرة الله غيرة العباس ابنها

أربعه وكلهم فخر...اثلث كواكب و القمر

هالبدور الساطعه...كربله يا كربله

آنا أم البلمواقف شّرفوها...و بالطفوف أوصية أمهم ما نسوها

ما يرجعون الوطنهم عاهدوها...هيه كلمه و من حجوها نفّذوها

ذوله رهبان الفله...استقبليهم كربله

من تدور الواقعه...كربله يا كربله

درستهم عالوفه و حب الإمامه...و الكرامه خذت من عدهم كرامه

فاطمه اتجازيهم بيوم القيامه...و ترفع اجفوف القمر أول علامه

اتنادي يا رب السمه...هذا مطلب فاطمه

و الجفوف امقطعه...كربله يا كربله