انه زينب وانته راعي الرايه ..... من السبي يابه الفضل شجايه

من السبي يابه الفضل شجايه

عالقبر خويه ارد اصب سيل الدموع ..... بين ابوي ونار تحرق بالضلوع

هذا راسك جبته وايتامك تلوع ..... انهض لزينب يحماي الثايه

اشكي يعباي نكيات الزمان ..... ياربيع الخوه يا فيض الحنان

انسبي وياي راسك عالسنان ..... ميسره وكل يوم اطوف ولايه

يا كفيلي بهزتك وظلك اجيت ..... شلون للسام بيسر تالي مشيت

خاف ما تدري يعباس انسبيت ..... جيت اخبر للكََبر عنايه

خويه تعذرني ولوي قاسي العتاب ..... بس تراه اختك شافت الوان العذاب

جفني ما غمض ابد من المصاب ..... من انهدم ركني على المسنايه

من انهدم ركني بمصابك يالجفيل ..... لني وحدي امحيره و بس العليل

منين ما اعد لهه ابو الفضل تميل ..... والضعن صار الشمر حدايه

يحدي بي وانتخيك بلوعتي ..... وتمسع العدوان هضمي ونخوتي

خويه واتجاوبني بسب اخوتي ..... وبين حاطت شامتين اهوايه

خويه ويه الروس عندي ذكريات ..... زيانه طول الدرب ظلن ماشيات

وانا كل راس اشوفه على القناة ..... بمصرعه عندي علم ودرايه

انظر لفتية عقيل عله النصول ..... شاخصات الروس والمشهد مهول

واذكر اجساد الي رضتهه الخيول ..... بلا دفن فوق الثره مسجايه

وراس جسام من اشوفه عله الرمح ..... يابوفاضل ينزف بقلبي الجرح

ليش بثياب الزفاف وينذبح ..... والجفوف من الدمعه محنايه

وانظر الراس الرضيع وركَبته ..... والله اشوف الموت والله بنظرته

بين ايدين حسن نبله الفطمته ..... ضتمي جود ماسكه من مايه

انظر الراس الاخو روح البتول ..... حسين واهنا نظرني حتما تطول

راسه من راس الرمح تدري شيقول ..... من الكهف يقره ويرتل اياته

مو وكت نومه يضيغم بالطفوف ..... جثه مسلوبه انقطع منها الجفوف

وانظر الراسك يعباس وشأشوف ..... عينك بسهم العده مطفايه