تعرف الدافن العزيزه من صفنته...ايموت كلشي بروحه و اتظل بس دمعته

ميت اكتابه التعزه ما تكتبه...و تحسب الموته و عزيزك ما تحسبه

صعبة إذا انت اتحفر قبر التحبه...و فوقه أول صم تراب انت التذبه

جانت الأصعب خفيته...و شوفي ظل و ما عميته

هذا حاله اليدفن الخلان سكته...ايموت كلشي بروحه و اتظل بس دمعته

ايعيش غربه الهاجر و ما رد خليله...و الدمع و النوح ما يشفن غليله

و ليلة الفارق حبيبه اشقد طويله...ايدور و ما يلقه واحد يشتكيله

تطحن بقلبه الملامة...و تشتم الفرقة بكلامه

و عادت المجروح التسولف عبرته...ايموت كلشي بروحه و اتظل بس دمعته

من ألم روحي أشتكي يا بعد أهلنه...راح وياك و حسن ذيج المحنّه

حيدر يشم الهوه بسما تهنه...ظلمه صارت دنيته من غبتي عنه

ناره ما تطفه بدليله...و انتي جيتج مستحيله

هذا اليجفنها بجفوفه ضحكته...ايموت كلشي بروحه و اتظل بس دمعته

اشلون ماتت زهرتي و عايش وراها...الموت لو ماخذني ريته و ما خذاها

الدنيه عقب أم الحسن شلي بهواها...روحي معلولة و عطر فاطم دواها

كونه ما يبعد مماتي...ما أحس لذة بحياتي

و التغيب أحبابه يتسله بحسرته...ايموت كلشي بروحه و اتظل بس دمعته

يا إلهي أرجوك عجل بالمنية...آنا ما أحمل بعد عقب الزجية

كون ما تاخذني إلها اتردها ليّة...بيها أعيش آنا و تعيش الزهرة بية

تدري ما أحمل بعدها...جسمي عندي وروحي عدها

العافه محبوبه الحجي يمحي اعله شفته...ايموت كلشي بروحه و اتظل بس دمعته