من فاطمه و حامي الحمه .... نور العقيله العالمه

أطهر رحم و أشرف صلب سجدت إله الجن و الإنس

بيت الذي منه انفتق نور القمر ضي الشمس

رب الجلاله امأيده و امسدد ابروح القدس

صبح و مسه ايباركه و يهبط عليه وحي السمه

زينب وريثت فاطمه ابكل الصفات الطيبه

كشفت طبع خير النسه و بأشرف حجاب امحجبه

و اتربت ابدار الوصي ابخلق الإمامه امهذبه

نالت صفات المعرفه و أصبح وصفها الفاهمه

زينة أبوها ابدنيته و إبداره شمعه امنوره

يقره ابوجها ابكل صبح آية بطوله و مقدره

من تقبل اعليه يبتشر و يحي بيها حيدره

يصغي ابفرح إلها علي لمن تريد اتكلمه

معصومه زينب طاهره بت حيدره خير العمل

جدها النبي خير الورى بيه الوصف كله إكتمل

مثل أمها يا أم الذي يخدمها وحي الله نزل

يا هي المن هاي النسه نالت مثل هالمكرمه

هاي أخت الحسين و حسن حقي ابوصفها لو حرت

من عدها إخوه ابها الوصف بالدنيه قلي يا أخت

كلما إلي حاجه و طلب للباري بيها اتوسلت

و الباري يقبل دعوتي و أفرح و أنال الغانمه

عند الله زينب بت علي إلها كرامه و منزله

اتوسل بإسمها لو جنت عندك قضيه و مشكله

همك مثل لمح البصر من قلبك اتحسه انجله

يا ربي ثبت لي قدم و إرزقني حسن الخاتمه