وارث الغيرة الأصيلة و أعرف بتربيته...آنا بالروح اشتريته بالقلب ضميّته

جيت و المعصب بيديه يا علي ناديته...اليوم زلزل هالمعارة مثلما وصيته

هوه روحي و حياتي و كل هلي...هذا الأكبر علي و غيرة علي

وين فرسان آل أمية خلهم ايلاقونه...نزل راية علي بإيده و الزعل بعيونه

صال صولة حيدرية كلهم يشوفونه...صاح أبوية حسين إمامي و آنا أقاتل دونه

علي بإسمه الشدايد تنجلي...هذا الأكبر علي و غيرة علي

هذا الأكبر بالحرايب ينعرف عنوانه...يقلب الحومة و زلمها لو نزل ميدانه

طلع من الخيمة غاضب و انحدر طوفانه...صاح يا بكر ابن غانم علي الأكبر آنه

و الله كلمن برز لي يبتلي...هذا الأكبر علي و غيرة علي

نزل و الموت بيمينه و الحرب نوماسه...هذا متخضب بدمه ذاك قاطع راسه

صاح بيهم مثل حمزة و حيدرة و عباسه...علي الأكبر بالملاحم ينعرف مقياسه

صوته بالطف عليهم يعتلي...هذا الأكبر علي و غيرة علي

هذا خواض المنايه و النصر يحلاله...عذّب الخيّالة سيفه و تعّب الرجّاله

ما كو بالميدان فارس قدر يتعناله...كلمن يريد المراجل خل يشوف أفعاله

علي جده الولي و نعم الولي...هذا الأكبر علي و غيرة علي