يحيدر لا تدلّي الوادم ابگبري أريده ايضيع عاللّي ضيّعوا عمري
أنه ابعمري يحيدر ما شفت راحه ولا شِفت السعد يضحكلي مصباحه
او دليلي اللّي گطع يلوالي سبّاحه دَفْنَت‌ْ والدي البيها انكسر ظهري
انكسر ظهري او عليّه ضاگت الوسعه او بعد صوت الاُبو يلوالي ما سمعه
بعد راح اليناديني يهل بضعه وصُفن سلواي همّي او دمعتي التجري
دمه تجري دمعتي والگلب مجره وَفَرْغ‌ِ اهموم دلاّلي ابكتر شجره
لچن حتّه شجرتي البيها مستتره اگطعوها وانكشف كل‌ّ الخفا دهري
تولاّني الدهر وليه تولاّني أطيح ابظلم الاوّل واوگع ابثاني
أنه احزاني أبد ما منهن احزاني فدك والسطره واللّي نابت ابصدري
فدك يا حيدره والسطره والبسمار مصايب جرّعتني زمرة الاشرار
لچن أصعبهن الما صاير او لا دار جنيني اليجري دمّه او طايح ابكتري
جنيني الطايح ابكتري عله العتبه يناشدني يحيدر نِشدته صعبه
شنو ذنبي يهل عالم شنو ذنبه أريد اجواب والله اتمحّنت بامري
أريد اجواب عن همّك او عن همّي او عن يوم الغصب گادوك من يمّي
او صحت يا ناس خلّوا عن ابن عمّي تره أكشف يلصحابه الخالقي ستري
او لون يا حيدره خلّيتني أدعي واخبره الخالقي عن محنتي او وضعي
واگلّه يا اءلهي المحسن او ضلعي او نارين اعله بابي وبالحشه تسري
للمغيسل يحيدر من توصّلني مِدّ ايدك الحدر الثوب غسّلني
أخافن تنلچم لو شاهدت متني او گلبك ينفجع من تعلم ابسرّي
يحيدر لا تدلّيهم عله امچانه أنه ابگبري اندفن مهضومه حزنانه
عليهم ما رضيت او متت غضبانه او خلّي المادرت بمصيبتي تدري
يحيدر لا تدلّيهم علي' لحدي أريد اوياهم ابيوم الحشر وحدي
أعرض للاءله امصيبتي وابدي او أگلّه الياسبب خفيه انحفر گبرييحيدر لا تدلّي الوادم ابگبري
قصائد قريبة من الجو نفسه
ديوان السادة
23
سطرًا
