أنزل و قبّلنه بالحرية...يا خادم الأسرة السماوية

جنحك بميلاده...خي يصير سجادة

يا خادم الأسرة السماوية

أنزل يجبرائيل صلي اعله مهده

اعيون أمه هاي اعليه طابت مودة

لشفاف أبو الزهراء سجادة خده

و جن وجهه صار حسين آية السجدة

غير مجانه القمر باريه...شعبان بيه ضوت ليالية

من فاطمه نوره...من حيدر الصورة

يا خادم الأسرة السماوية

و أنزل يجبرائيل شوف المسرة

و نزّل من الفردوس فد وردة حمرة

خل يشم بيها حسين حطها اعله صدره

هذا اللي للأحرار تبقى له ذكره

و اتصير هالوردة الحسينية...شدة كرامة كربلائية

بأنفاسه يرويها...و كل حر يشم بيها

يا خادم الأسرة السماوية

و الله وضع أبواب للطبها تشفع

و من تجي الباب حسين تلقاها أوسع

و يدخلها بس هالباب طاهر المرضع

والينه احنه حسين و بحبه نطمع

الله خلق الأرواح شيعية...طاهرة و بحبه فدائية

و الزمن جربنه...شافه وفي حبنه

يا خادم الأسرة السماوية

جنة الدنيه حسين كل حر سكنها

و اليدخل الفردوس شيطلعه منها

و بس الذي مشبوه يستغني عنها

خل هذا لأمه يروح يفحص لبنها

فالتسمع أبناء الوهابية...لحسين صيحتنه ولائية

و بكل زمن تعله...من النجف الأعله

يا خادم الأسرة السماوية

بالرفض متهومين اي رافضيين

نرفض عدو الله اللي عاده الحسين

نرفض الباعه للشرف و الدين

و مستنسخ مفاتيح بيت الجوارين

من حسين عنده عقدة نفسية...و لحسين احنه عندنه قدسية

مكشوف للناظر...يا هو الذي طاهر

يا خادم الأسرة السماوية

راية الله حسين كل قمة تشهد

و نتبعها وين اتسير وصه محمد

و بظلها متعلمين ما نكره أحد

ما مشه اوياها انشوف بس المعقد

معروف قانون الكراهية...كل شوك يحقد عله الجورية

و جورينه ميهمه...حسين ازرعه بدمه

يا خادم الأسرة السماوية