و الكوفه كوفه امن الأصل ما يحوج إتقايسها

لاجن إنشدني إعله الفتن يا ظالم امأسسها

و الكوفه ليش إبكل عصر تحييها و إتمارسها

مسلم إجاها إعله الوعد حفظ الوعد من شانه

لمن وصلها رحبت قالت له يا رجوانه

جربنه ساعات الشدد أهل الوفه تلقانه

إبليله و ضحاها إتغيرت للظالم و أعوانه

إتكابلت كلها و أصبحت الصوب الظلم مجموعه

و مسلم يصد إعله الوضع لاجن تسيل إدموعه

ما من نصير ايناصرنه و بقلبه نار اللوعه

مسلم ابهالحاله إعتنه الدار الشريفه طوعه

قصر الإمارة وصلوا قوم الغدر أخباره

و بسرعه قوم الطاغية إعله البيت شنو غاره

مسلم بإيمانه طلعو بجفه سل بتاره

عزمه عزم حامي الحمه و ما تختلف آثاره

شتقول يالعندك فكر شتقول عن هالحاله

ناس التحب سفك الدمه إتحب الرسول و آله

قاتلوا مسلم بالجهل و إتقربت آجاله

ظل فكره يم سبط النبي إيفكر بأمر إعياله

زمرة ضلاله و إغدرت بالرايد إيوعيها

و نفرض بمسلم مختفي و ملتبس امره إعليها

حللت دم سبط النبي الكوفه شجاها إشبيها

لتلوم أقوام الذي حب الطمع عاميها

سبعين ألف إتجندت ضد الحسين و حربه

إشما عدها من جور و ظلم رادت عليه إتصبه

و حسين فوق امصيبته و فوق الهضم و الغربه

منفرد وحده عافته و نار المصيبه إبقلبه