لو صابك بسهمه الزمان الغدار

سيد محمد اقصد و لا تحتار

سبع الدجيل الما يرد الزوار

جم حاير و جم معلول رد و الفرح جلبابه

شارات إله معروفه تعرفها الناس

من تعتني له ترد مرفوع الراس

باب الحوايج مثل عمه العباس

طيب قلب و الينخاه لا ما يرد أحبابه

بالك يصيبك شك إذا تتعنه

جفينه جنه و ما تشع الجنه

باب الإله و اطلب اشتتمنه

خل قلبك اليحجي اوياه حاشاه يرد طلابه

يوم العسر و الضيج بإسمه انادي

ادخيلك أنا يبن الإمام الهادي

هالليله من عندك أريد امرادي

منك أجدي و مو عيب يبن الكرم و أسبابه

اعليك أقسم ابكسر الضلع و الطبره

بصدر الحسين المنهشم و بصدره

نظره نريد و تكفي منك نظره

ذوله احنه خدام حسين الجدك نون و امصابه

يا هيبة الله و يا جلاله و ضيه

انحلفك بعمتك زينب المسبيه

ابجاهك حوايج شيعتك مقضيه

يا سفرة الله الميخيب كلمن سجد بعتابه

ادعي إلنه القبرك نجي و انزوره

ابراية علي البيكم تظل منصوره

و المنتظر ربنه يعجل اظهوره

ثارك و ثار الأجداد هوه اليصّفي احسابه