جددوا العهد ...جددوا العهد... وي منقذ الشريعه

جددوا العهد ...جددوا العهد ...بيعة شرف يشيعه

خل نندعي يشيعه كلمن حسب دعاءه

و اليعتقد يقينه ما ينقطع رجاءه

و المخلص الإمامه يتميز وفاءه

للمهدي راعي البيعه خل يعلن انتماءه

و الرافض الموالي يتجسد بولاءه

آني الوفي المبايع يا سيدي نداءه

إحنه عالوعد... إحنه عالوعد ...أنصار إلك مطيعه

و العسكري وصيته من ظهرت برحيله

إبني الإمام الحجه هو الذي وكيله

تنصيبه نص إلهي و إبكل صفه مثيله

تمسكنه بالوصيه ما نقبل إببديله

كل ناصبي خل يسمع هذا المحب دليله

لمن علن ولائه للبيعه هاي الليله

جاوب النشد ... جاوب النشد ...عن العهد و البيعه

للمنتظر إشاره عن النبي بخطابه

قال الأرض يرثها رب العله بكتابه

من يختم الإمامه و إتصير إله النيابه

تاج العهد يلبسه من ينكر إنتسابه

كل شيعي يرفع صوته هالليله و بصلاته

غايبنه بالعداله يظهر بعد غيابه

ما كو شر بعد ...ما كو شر بعد...أول خبر يذيعه

للبشره أول آيه من تظهر بظهوره

و إتشاهد بسمانه عن الجلاله صوره

و بطلعته البهيه نور المؤيد نوره

و الينتظر يشوفه ما ينوصف شعوره

يسجد يبوس أجدامه كل غايته و سروره

هنياله من يحضره و اليوصل و يزوره

يمه لو قصد ...يمه لو قصد...ما لمتّه الوسيعه

إسمه اسم محمد ماخذ نفس كماله

هيبة علي الصميده شبل الحسن خصاله

دنيانه بإنتظاره يمليها بالعداله

و يحارب النواصب و الفتنه و الضلاله

بالك تقول الوحده شيعة علي رجاله

خيبر يجدد يومه و الخندق بقتاله

طلعت الأسد ...طلعت الأسد...و الناجح اليطيعه

عيسه اليصلي خلفه من يوقف بصلاته

طف كربله محرابه شمس المجد عباته

مطلوبه ياخذ ثاره و ايحقق أمنياته

ساعة ظهوره تظهر للأمه معجزاته

لمن تشاهد عيسه يتحدث بصفاته

هذا النبي شعوره يحصل على رضاته

عنده معتقد ...عنده معتقد...شبل الحسن شفيعه