تدق باب الفرح روح و أشوف الباب بس دمعه

مثل ظلمه و بحر و بريح ما ظن تنفع الشمعه

حاولت الفرح مرات و جيت و دربي بس عثره

الحزن وياي عشرة دوم و آنا الما خنت مره

بعض مرات صدفه اتصير و ايهب الفرح نسمه

وراها ايهب حزن عاشور عشره اتجر بأثر عشره

لا صاحب كلافه اليوم يرد العالت ابصدره

أدلل بالوفه و ما صاح جن راح و خلص وطره

مثل أهل الكهف بالسوق

غريبه ابسوقنه الوفاي صارت مهزله العِشره

طويت اهمومي بهمومي و رحت شكاي

ابجنح مكسور عكس الريح ماشي و جمرتي بعيناي

تعال اوياي يا جرحي أدور بالمدينه اوياي

يناشدني علامك وين رايح و آنا أصيح اوياي

تعال اهنا يجرحي الما ردت تبره

ندق باب النبي و هيهات يردني و خاطري يكسره

ميلاد البشير اليوم يجرحي و زفوا البشره

إسرع يا جرح و إنسه عذاب الآه و الحسره

نهني حيدر الكرار أبونه و نمشي للزهره

تبسم جرحي و ارتاحيت و اغيوم الحزن عّدن

و جن ليل الهضم راح و طلع فجره

صحت لآخر نفس يا ناس مو مره ثلث مرات مو مره

صلوا عله النبي الهادي أبو الزهراء و العتره