غيرج ما عدنه يالزهره غيرج ما عدنه يالزهره
ننخاج و إنتي سلوتنه و انريدج ساعة شدتنه
يا جبد الهادي و قدوتنه و بحالتنه إنتي أدره
باري الكون امعلي مجدج و بالقرآن امبين قدرج
و اليلزم يالزهره نهجج ما يحتار بيوم العبره
مثل الطير التتلقطينه و الصوب الجنة اتودينه
و بسمج نتفاخر ظلينه اعليج احنه اموجهين النظره
انتي من الباري رحمه اتنجين امن النار الأمه
اعلينه حبج أصبح ذمه و بيج الشيعه اتظل مفتخره
حقنه بسمج لو نتفاخر يا اللي معدن ذاتج جوهر
إنتي بالقرآن الكوثر و اسمج علاه رب القدره
حقنه لو ننصب لج مأتم و العبرات انهلها من دم
و امصابج جرحه ما يلتم انون اعليج ابنوح و حسره
لجن ننشد قبرج وينه ضايع يم احسين اعلينه
نصبر من يظهر مهدينه ايدلينه ابقبرج نتظرهغيرج ما عدنه يالزهره
15
سطرًاقصائد قريبة من الجو نفسه
