يالماخذ صبري إشلون إتروح...أيام إفراقك كلها إجروح

أسمع صوت يالمختار...بين الباب و المسمار

أيام إفراقك كلها إجروح

يبو القاسم صعب فرقاك و إفراق الحبايب مر

إذا ترحل يضي عيناي آني إبيا صبر أصبر

يا جرح اليضل للموت يسعر و الدمع يمطر

يبويه الينكسر قلبه عليك الكسره من يجبر

يا بويه وصيت الأصحاب...بالعتره و ليحرقون الباب

ضلعي إيصيح هاي النار...بين الباب و المسمار

أيام إفراقك كلها إجروح

يبويه وصي أصحابك بعدك لا يخذلوني

و قلهم فاطمه روحي بيها لا تأذوني

يبويه أنظر إعله الباب و أتصور يعصروني

يبويه و عني من إتروح عله وجهي يسطروني

من ترحل عني الدنيه إتدور...و أشكي لك من ضلعي المكسور

و أصرخ وين يالكرار...بين الباب و المسمار

أيام إفراقك كلها إجروح

أروحن وين من ترحل بعدك ما يرحمونه

إذا نصبوا سقيفتهم غصب حقنه يسلبونه

يمن وصيت ابن عمك يصبر من يجتفونه

أظل أندب يحامي الجار و أنظر دمعة اعيونه

يسمع من أصرخ يا بو حسين...و يجاوبني ابدمعات العين

دمعي ايصيح ذو الفقّار...بين الباب و المسمار

أيام إفراقك كلها إجروح

يبويه أشعر الأصحاب وصيتك ما ينفذوها

ثارات ببدر و حنين من حيدر يطلبوها

الذاك القال لك تهجر ضمايرهم يبيعوها

و هاي اسيوفهم كلها ضد حيدر يشهروها

من تغمض عينك تبدي الآه...من غدر الأمه واويلاه

كون اتشوف من أحتار...بين الباب و المسمار

أيام إفراقك كلها إجروح

آنا أول أهل بيتك أتبعك لو رحت مني

و أخلصها بواجي اعليك و الأصحاب تسمعني

أون المحنة الكرار مو من الضلع وني

الله ايساعده امن ايشوف حالي و محنتي اعله ابني

من دم المحسن أول باب...يستقبل آهات المحراب

أنظر هجمت الأشرار...بين الباب و المسمار

أيام إفراقك كلها إجروح

أشوفك تنظر اعله حسين بويه و تسجب العبره

تشوفه ابكربله محتار ضامي و ينقطع نحره

و بعينك تشوف الخيل من تسحق عله صدره

بلا والي تجي زينب ابهذا الحال و اتنظره

كافلها ايعاين للجفين...يتعذر من ينظر لحسين

تبدأ نظرة الأعذار...بين الباب و المسمار

أيام إفراقك كلها إجروح

يبويه امصابنه امن الباب أنا أدري ابغيبتك يبدي

و لا واحد يواسيني و أون من فرقتك وحدي

أودع قلبي عند حسين و عند ابني الحسن جبدي

و أقول اجروحي ما تشفه لمن يطلع المهدي

من يطلع يجبر كل مكسور...و الغاصب للحق ما معذور

يمته انشوف سيف الثار...بين الباب و المسمار

أيام إفراقك كلها إجروح