أُنسي بدمعي و الجوى فنوني ...فاعذروني

و العقلُ لا يُدركُ ما جنوني ...فاعذروني

أنا اللي ساكن ابين الدمع و الآه

عله حسين اللي سكنت بالخلود إدماه

إذا حته اليره و الما يره ينعاه

إشتظن هم المحب يتحكم ابعيناه

و محبوبه إنذبح و أصبح ذبيح الله

ذبيحُ ربي سارَ بالضعونِ ...للمنونِ

يُنادي يا شيعتي فانذبوني ...للمنونِ

تدرون اشوكت نار القلب تبرد

و يمته ادموعي تنشف و الجرح يضمد

حين الزهره تنزع ثوبها الأسود

و إذا شفناها ما تلطم بعد عالخد

اهناك انقول هالمأتم وصل للحد

قد نادت الزهراء على شجوني ... ساعدوني

في نوحكم و المدمعِ الهتونِ ...ساعدوني

عله امصاب السبط يا هو الملك صبره

و سمعنه اليذبحه يتربّع ابصدره

اثنعش تكبيره كبّر من قطع نحره

طعنه فوق طعنه و طبره عالطبره

و عله التل إخته زينب واقفه اتنظره

نادتهمُ بجنبهِ اطرحوني ...و اقتلوني

و إن أردتكم قتلهُ اقصدوني ...و اقتلوني

يمن سلبوك عقب المصرع اسلاحك

قلبي ايحق له لو طول العمر ناحك

و أشوف اعمامتك لابسها ذبّاحك

و راسك حاسر امفرع عله ارماحك

و بيه الريح تسفي و تلجم اجراحك

تبكي دماً و للحسينِ هوني ... يا عيوني

و بعدهُ لا كنتِ أن تكوني ... يا عيوني

يون حسين و صوته ايزلزل السبعه

أسد اشلون أذاني و جني ما أسمعه

و أسمع صوت حافر يطحن ابضلعه

يدوس اعليه و يطبق عالصدر درعه

و لا مسلم تدنه امن الثره ايرفعه

على الحسينِ بالأسى ذروني ... في شجوني

و لا تلوموا العقلَ و اتركوني ...في شجوني