الله الله...أفواج انقصدك مو بس اثنين و سبعين

الله الله...اعلينه اشتآمر بس احسبنه أنصارك يحسين

و المحب باذل لجلك عمره...احسبنه أنصارك يبن الزهره

يبو الأحرار إلك و بكل زمن أحرار

فدو دمهم إلك و استرخصوا الأعمار

مثل أنصارك الراحوا نعم ما صار

لجن غايتنه تحسبنه من الأنصار

أمنيتي ابهاي...يا ريتك تحسبنه اوياهم يبن الأطياب

أمنيتي ابهاي ...لو مو أصحابك نرضه بخدام الأصحاب

سيدي و هذي الغايه الكبره...احسبنه أنصارك يبن الزهره

حبك يا حسين اتحده كل الكون

مو بالكم نحسب جم عدو جم عون

غيرك يتبعه من البشر مليون

لجن كلهم و لا وصلوا ربع من جون

منهو اليدناه...جون الخادم الأسود لاجن منهو ابقدّه

منهو اليدناه...و حسين اتعنه ابموته و حط خده ابخده

من نزف دمه اتفاوح عطره...احسبنه أنصارك يبن الزهره

أنصارك نموذج أرسله الخالق

حته انميّز المؤمن من الفاسق

كرامه و خصهم الله ابمصحفه الناطق

بأبي و أمي يقلهم جعفر الصادق

شوف الإيثار...شوف الإخلاص اشوصل بأنصار الزهراء

شوف الإيثار...الله ايسلم اعليهم بزيارة عاشوراء

و المحب يدعي بسجدة شُكره...احسبنه أنصارك يبن الزهره

ملاحم سجلوها ابصفحة التوحيد

مثلهم إحنه عن درب المجد منحيد

نضحي الروح و لا بالذل نمد الإيد

حُسينين و ما رضخ أبد ليزيد

نخضع هيهات...و حسين اعله العز علمّنه و ربانه ابهاي

نخضع هيهات...و الهذا اثلاثه برض الطف ظل بلا ماي

شّرف العالم من دم نحره...احسبنه أنصارك يبن الزهره

أنصارك لغز يبقه بلا تفسير

و مثل ذاك الوفاء اوياك أبد ميصير

لجني حاولة ألحقهم ابتعبير

مثل صرختهم أصرخ ساعة التطبير

ليلة عاشور...من خافت زينب أنصارك صاحوا حيدر

ليلة عاشور...تتكرر بإلساني الصرخه ابيوم أتطّبر

و هذي غايتنه من الطبره...احسبنه أنصارك يبن الزهره