يا بو فاضل آنا أمك و استمع توصيتي

يالذي ابين الخلق بالعزه رافع صيتي

نيتي يوليدي باجر و انت أدره بنيتي

اتموت بين ايد الحسين ابكربله امنيتي

الحد قطعت وريدك و الأنفاس

عودك الكرار حيدر ناذرك للعتره

باجر ابيوم الشدايد كون توفي ابنذره

يا بوفاضل هالله الله بالعقيله الحره

أرد كل وجهي تبيّضه يبني عند الزهره

و أرفع بالقيامه بيك الراس

و هذا خوك حسين يبني هوه ليك الغايه

و انت و اخوانك ردتكم للأجل شّرايه

صير يوليدي اعله أمره و اعله شوره و رايه

خل تطيح اجفوف إيديك و لا تطيح الرايه

هالرايه العلامه و المقياس

واعدتني يا بو فاضل و أدري توفي اوعودك

يا شبل حامي الحميه منه ماخذ زود

فدوه يا عباس عينك هامتك و ازنودك

المهم بس للمخيم خل يوصل جودك

يالجمرة ثنيتك ما تنداس

يا خليل حسين بالخوه فلا صح مثلك

باجر ابيوم المعاره من توافي ابخلك

عون و عبدالله اويه جعفر عالأمر تمتثلك

كون تتأكد بأنهم يبني ماتوا قبلك

و بدمكم أفاخر بين الناس