يا شيعتي ظلموني...و بلا ذنب سموني

آنا كريم أهل البيت

آنا الحسن سبط الرسول المختار...أمي الزجيه و الأبو حامي الجار

رابع أهل الكساء الأطهار...وليه ولوني آل اميه الأشرار

منهم شفت جم نكبه...عشت الليالي الصعبه

من المحن و الالام...ما نشف دمعي إعيوني

من يوم جدي المصطفه فارقته...بالضيم عمري و القهر خلصته

وشجم عزيز المن هلي ودعته...مر الصبر من زغر سني إجرعته

و الدهر خيم حزنه...من محنه أطيح إبمحنه

جم سهم قاسي العدوان...وسط القلب صابوني

أول سهم قطعوا قلبي و صابوه...حاضر و شفت الباب يوم الدفعوه

و أنظر الضلع أمي الزجيه كسروه...و بضربة السمار محسن سقطوه

أمي تون أسمعها...و عالخد يهل مدمعها

و إتصيح يا حامي الجار...عدوانك إتولوني

و من بعد ما ودعت أمي الزهره...و قلبي إبوجود الأبو إتحمل صبره

و لن ابن ملجم قطع ظني إبغدره...راح الأمل شنهو البعد أنتظره

من راح أبويه الكرار...حاطت عليه الأخطار

و أهل الغدر ميرحمون...ما ظنهم إيرحموني

و جعده الذي صبح و مسه جدامي...و هيه السبب بصواب قلبي الدامي

لمن أصدها تستعر آلالامي...نكرت الزاد و طيبتي و إكرامي

شافت عطف من عندي...جا ليش سمة الجبدي

بالحشر باجر شتقول ...ينشدوها و ينشدوني

يا شيعتي و حقي لون أتألم...بإذني إسمعت حيدر علي يتشتم

و من بعد ما جبدي تقطع بالسم ...يا شيعه قبري إبيا ذنب يتهدم

منعوا عليّ زواري...زادوا لي تضييع آثاري

آنا الزكي و عندي أنصار ...للموت ميعوفوني