ياخذنه الزمن و الدنيه تغرينه...تهّدمنه الفتن و حسين يبنينه

و إنعود يا كربله...و إنزود يا كربله

كلما نبتعد بحسين نبقه إخوان...تجمعنه ابمحرم خيمة الأحزان

تصفه اقلوبنه و نتعوذ الشيطان ...و بيوم المصيبه إخوان تلقينه

مجالسنه ابمحرم سر كرامتنه...سمع منها المخالف صوت وحدتنه

سيف و ينزل اعله الروس دمعتنه...لتظن ناصبي و ملعون يلهينه

مواكب عالدرب كلما ندير العين...يا خيمه النمرها إنشوف بيها حسين

ينطي الماي واقف صاحب الجفين...حبيب ابدفتره ايسجل بأسامينه

و حق رب العباد الما تشوفه اعيون ...إذا لحسين عابس بالعشق مجنون

كل هالشيعه جنت و إنشد اليمشون...كلهم عابس و كلهم مجانينه

شيعه إنموت وقفه و ما نطخ الراس...إحنه إجفوف إيدينه ابكل زمن تنباس

شربنه الماي غيره ابجربة العباس...شفنه الثار كله ابدمعة سكينه

لا تفرح يناصب و الزمن دوار...نبنيها البقيع و ما تظل أسوار

عدنه إسيوف ترفض ذلة الزنجار...عدنه اقلوب متخاف اليعادينه

مجالسنه ابمحرم عالكفر ثوره...و بيعه السيد الكونين و الزهره

للشيعي الموالي إتعلم إنقدره...و للناصب تلعنه و تلعن اسنينه