دمّك و دم اسماعيل خلاهن بميزانه ...و اختار دمك يَ حسين رب العرش قربانه

قربان لِ الدين الحنيف اختارك .. و بدمك الإسلام كله تبارك

سمّاك ثاره و راد ياخذ ثارك .. و انت الفدائي الْ ما عرفنه أسرارك

طير النبوة الْ بالغار لاذ النبي بجنحانه .. و اختار دمك يَ حسين رب العرش قربانه

يَ حسين حزنك لا تظن ناسينه .. يا قطعة سودة نشوفها تبجينه

كلما بعدنا بحضرته تلقينه .. صوت بضريحك سيدي ينادينه

واقف نشوفك بالباب يَ حسين تتلقانه .. و اختار دمك يَ حسين رب العرش قربانه

باسمك دعاة الفتنة نتحداها .. كل السهام بدمنا نتلقاها

هاي الشعاير منحرك سواها .. و نعرف نهاية كل شخص عاداها

نعرف الْ عاداك بسيف و الْ حاربك بلسانه .. و اختار دمك يَ حسين رب العرش قربانه

اعذرنه يا مولاي لو قصرنه .. نشعر قليل شما إلك قدمنه

و قبال دمك ماكو قيمة لْ دمنه .. يَ حسين طفّك ع الشرف علمنه

علمنه طف الأحرار نهج النبي و قرآنه .. و اختار دمك يَ حسين رب العرش قربانه

جبناها بالدم مو سهل جبناها .. و أرواح لأجل حسين قدمناها

فتوى النواصب بالوحل دسناها .. و الْ عادتك يَ حسين عاديناها

ربحت الْ صارت وياك و الْ عادتك خسرانة .. و اختار دمك يَ حسين رب العرش قربانه

يا ناس عين الْ ما بجت مذلوله .. و حسين هذا شلون ما تبجوا له

الْ عادى الشعاير يا بشر قولوا له .. صومه و صلاته و حجته ما مقبوله

يوم الحشر وين يروح من حيدرة الْ عادانه .. و اختار دمك يَ حسين رب العرش قربانه