آخر الأخبار

ديوان السادة

كلما تكثر سيل دمعتها عيني

13 سطرًا

كلما تكثر سيل دمعتها عيني و عيت تخمد نار جمرت حنيني

بالنايبات الروح علنت فزعها و ملت بيابي العين من صب دمعها

آنه الذي بالباب كسروا ضلعها و انرسمت ابعيناي طيحت جنيني

إبني الوقع حرموه طيب النسايم خذني الأجل و اعليه دلالي حايم

روحي الحزينه اتنوح نوح الحمايم و اتنوح البرهان كسرت ونيني

آه يا جنيني الطاح حرموني منه أنحب و اون اعليه ونه اعله ونه

طاح و أيادي الموت مني خذنه راح و بعد بالطيف ما ظن يجيني

قبل الولاده و غاب كوكب حياته ما لحق ايناغوه امه و خواته

ابدال المهد نيموه ابحفرة مماته و ما مسدت عالراس راحت يميني

أسهر و احاجي العين يا عيني يمكن إبني يجيني ابطيف و اعليه يحسن

و جرح الدليل ايصيح محسن يمحسن ابموتك دهاني و حان هالليله حيني

محسن يمحسن ريت حانت وفاتي موتك قطع بتين عمري و حياتي

وين أهرع اليا صوب من نايباتي حته الممات اليوم أصبح ضنيني

شارك هذا المحتوى
7٬556مشاهدة