يا مسموم يا مسموم ناح العرش لمصابك

صاحت عقيلة حيدره يبن أمي دمع اختك جره

روحي اعله فقدك حايره جني ابدليلي إصوابك

عصفت عليّ ريح المحن ابموج الهضم قلبي انشحن

يا ريت أموتن يالحسن و لا لحظه من اغيابك

الليله يبحر المكرمه انعادت مصيبه فاطمه

تتناوح أملاك السمه تتمرغ باعتابك

قلبي اعله فرقاك انضهد جن والدي اليوم انفقد

دلالي يبن أمي انمرد ابها النايبه التنتابك

يالحسن تنحب عيلتك و حسين حس ابلوعتك

ينعه و ينوح الفرقتك وياه تنوح أحبابك

جن جدك الليله حضر ايشاركنه بالهم و الكدر

وياه حضر فارس مضر ايواسي المصاب الصابك

قلبي اعله فقدك منفجع هاي أمي حضرت بالدمع

اتجدد هضم كسر الضلع يا من زمانك سابك