فاطمه الضحت إبكل شبانها فاضله و صار الفضل عنوانها

للموت أم القمر يا ناس تركت أثر

للملاحم ودت إحيود الفله صاحت أم عباس راعي المرجله

خل تشوف إشبول حيدر كربله الليله هاشم قدمت شجعانها

فاطمه بأربع شباب إتبرعت و جادت إبدمعاتها و ما قصرت

تنصر حسين إبولدها قررت و بوفاها إنسولف و إحسانها

منبع الإخلاص جوهر فاطمه ما تبالي لو عمرها إتقدمه

للسيوف إجروح عدها باسمه صار أبو السجاد عزها و شانها

عاهدت حيدر و ما خلفت عهد ينذر للحسين طفلي البلمهد

حامت إعليهم مثل طير السعد و الولدها فصّلت أجفانها

للكرم و الجود جانت مفخره بالوفه توصل مجدها يا مره

وصت العباس سبع القنطره يرسم إبشاطي الفراة أحزانها

صوت أمه يوصل إبريح اليهب إيجيب ماي العذب لو شح العذب

بالجوانج نار ظلت تلتهب حسين روح العاطفه و سلطانها

إنطت الحق العليها أم الوفه كلها غيره و كلها ذات و معرفه

إشلون فضل أم البنين إنوصفه واضح الكل الخلق برهانها