إقصد الأرض المدينه ...و إنشد الدار الحزينه

إبيا ذنب تنصاب أمك ...و تنعصر بالباب أمك

يالمهدي إنحشمك هالليله ... و المدمع يتفجر سيله ...نريدك تقصد الدار أمك الزهره

و إتناشدها و تجري الدمعه ...ا ثار إشحل بأم البضعه ...تجاوب من تجيها إبونه و بعبره

إتقله الزهره مصيوبه ...بالباب الجانت منشوبه ...و تلوج إعله الأرض من شدة العصره

من تحاجيها إبدمعتك ...إتجاوبك و إنت إبحسرتك

و تخبرك بالصار أمك ...من إجوها الدار أمك

إتقلك يا مذخور الهادي ...ظلت بيَّ الزهره إتنادي ...يحيدر يا علي إدخيلك يحامي الجار

دفعوا بابي و دخلوا ليها ...و الزهره ما جان إعليها ...ستر يالمنتظر جانت بلايه إخمار

من جتها القوم الغداره ...لاذت بباب و محتاره ...ما بين الأعادي و الستر و النار

إنشد أمك يالتناشد ...عالخبر و بدمعه قاصد

تكشف الآلام أمك ...و تفضح الإجرام أمك

يمه يالزهره حاجيني ...و بقبرج صيحي و دليني ...أتريد أتعنه قبرج و أنظر إضلوعج

أرد أعمي إعله إمصابج شوفي ...و لو شفتج يمه بجفوفي ...أداوي العصره بيدي و أمسح إدموعج

و أرد أحمل محسن و أتعنه ...و أنشد والينه لمجنه ...إعله طفلج من سقط دامي و كثر روعج

بلجن إيجاوبني حيدر ...هالمحن بضلوعي تسعر

قالوا إبهالبيت أمك ...ماتت و لا جيت أمك

يالمهدي قبري جدامك ...و دمي السايح بين أجدامك ...يمهدي ضمني الصدرك دليلي ذاب

بس لا تلجم يبني إضلوعي ...و لوردت إتنشف لي إدموعي ...لا تلجمني عيني بيدك يا رجه الأحباب

ماذيني إصوابي ماذيني ...و دم ضلعي يبني و دم عيني ...و دليلي إبحسره لبني الخر عله الأعتاب

يبني كثره إهمومي كثره ...و الأشد يوليدي عصره

بيها مظلومه أمك ...و منها مالومه أمك

يالمهدي أمك مظلومه ...و من بعد الهادي مهضومه ...إجوني إبلا ذنب كلهم يمهدينه

شمسويه و ضلعي إيكسرونه ...شمسويه و حملي إيسقطونه ...و انا أصرخ يا علي وينك يا والينه

ما عدهم دين و لا غيره ...خلوني يالمهدي إبحيره ...إشكثر وصاهم إبهالبضعه هادينه

و ما رعوا عهد النبوه ...و خلوا إجنيني تلوه

و ظلت إبهالحال أمك ...تجرع الأهوال أمك

من تنهض و إتشيل الرايه ...لا تنسه يوليدي الغايه ...و أريدك تحمل إبحملة علي حيدر

تشهر فقاره بيمينك ...و الباري يالمهدي إيعينك ...و تقيم المحكمه لهل الكفر و الشر

و إتناشد عالهشم صدري ...و خلاني إبنيراني التسري ...و تركني يالغيور إببابي اتستر

و حقي يرجع يالنخيتك ...يبني و آنا أدري إبحميتك

لا تعوفن ثار أمك ...آذت الأشرار أمك